Каляда - калядзiца!

     З мэтай далучэння дзяцей да беларускай традыцыйнай культуры, выхавання пачуцця любові і павагі да роднага краю, развіцця цікавасці да музычнага выканання і творчасці ў нашым садку прайшло фальклорнае мерапрыемства “Каляда- калядзіца”. Калядкі ў нашым дзіцячым садку— любімае і доўгачаканае свята. Да яго заўсёды сур’ёзна рыхтуюцца і адзначаюць, прытрымліваючыся народных традыцый. Выхаванцы з задавальненнем прымалі ўдзел у фальклорных гульнях, слухалі і падпявалі беларускія песні і напеўкі. Дзеці былі прыемна ўражаны з’яўленнем каляднікаў, казы, мядзведзя. Каляднікі, у сваю чаргу, пажадалі шчасця і дабрабыту, здароўя і поспехаў усім дзецям і дарослым. Усе ўдзельнікі калядак танцавалі, гулялі і весяліліся ад душы. 

Свята падарыла дзецям незабыўныя ўражанні і атрымалася вясёлым, шумным і відовішчным.