Свята, свята Каляда, весялей цябе няма.

Сёння ў нас Калядкi, блiны ды аладкi!

Ой, ладачкi-ладкi, пляскаем у ладкi!

Ой, ладачкi-ладкi, святкуем Калядкi!

Сумных сёння тут няма: цешаць гульнi розныя,

Цешыць нас усiх зiма – снежная, марозная!

Ходзiм, ходзiм грамадой, усiх вiншуем з Калядой!

Нiводну групу не мiнаем, са святам усiх вiтаем!

Вяселыя калядкi – да нашай хаткi!

Песнi, танцы не ў цiшы.

Весялiмся ад душы.

     Каляды здаўна былi адным з наiбольш цiкавых i распаўсюджаных зiмовых свят, якое азначае паварот сонца з зiмы на лета. Святочныя калядныя традыцыi з’яўляюцца важнай часткай народнай культуры. Вось i сёння ў нашым садку адбылося святкаванне Каляд.

     У госцi да дзяцей завiталi калядоўшчыкi з Каляднай зоркай. Каза-весялуха, якая сiмвалiзуе дабрабыт i багаты ўраджай, якую дзецiў карагод бралi, ёй дагаджалi, ды прысмакi розныя давалi.Цыганка таргавала Каровай гаспадыне i гаспадару, варажыла. Усе разам яны стварылi атмасферу вясёлага народнага свята. Праз прыказкi i прымаўкi, калядныя песнi, народныя музычныя гульнi, карагоды дзецi атрымалi магчымасць далучыцца да традыцый народнай культуры.

     Вясёлы настрой, смех, гумар, вiншаваннi, панавалi на свяце. А якое ж свята без пачастункаў, падзяк за шчырыя пажаданнi? Шмат станоўчых пачуццяў i ўраджанняў ад свята атрымалi не толькi выхаванцы, але i дарослыя.