Кожны чацвер у нашай дашкольнай установе беларускамоўны дзень. І сёння выхаванцы старэйшых груп №7 і №11 пагулялі ў інтэлектуальную гульню "Што? Дзе? Калі?". Гульня пачалася з прадстаўлення каманд і іх дывіза, а затым пазнаёміліся з журы. Конкурсаў было шмат: "Дамашняе заданне", дзе выхаванцы чыталі вершы на роднай мове, "Наша краіна", у якім дзеці паказалі свае веды пра Радзіму, яе жывёльны свет, "Чорная скрыня", "Беларускія казкі", "Упрыгож адзенне". Конкурс "Перакладчык" вельмі спадабаўся выхаванцам, і яны з задавальненнем перакладалі словы з рускай мовы на беларускую. Не абыйшлі ўвагай і гледачоў. З імі пагулялі ў беларускую народную гульню "Падушачка". А ў той час, калі журы вызначалі пераможцаў, дзеці паглядзелі мультфільм на роднай мове.